Things to prepare for video interview / Remote ဗွီဒီယိုအင်တာဗျူးအတွက်ပြင်ဆင်ရန်အချက်အလက်များ

ယခုကာလမှာကြုံတွေ့နေရတဲ့Covid -19 ကြောင့် လုပ်ငန်းခွင် အများစုဟာ remotely အလုပ်လုပ်ခြင်းကိုအကောင်းဆုံးနည်းလမ်းအဖြစ်လက်ခံလာကြပါတယ်။ဒီလိုပြောင်းလဲမှုနှင့်အတူဝန်ထမ်းခန့်အပ်ရေးအပိုင်းတွင်လည်း remote culture အပိုင်းသို့ပြောင်းလဲလာပြီး Video interview က HR manager များကြားတွင်ခေတ်စားလာပါပြီ။ အဲ့ဒီလိုပြောင်းလဲလာတဲ့culture အသစ်နှင့်အညီRemote ဗွီဒီယိုအင်တာဗျူးအတွက်ဘယ်လိုပြင်ဆင်ရမလဲဆိုတဲ့Tips and Tricks များကိုဒီBlogလေးမှာပြောပြပေးသွားပါမယ်။

Please see in this link for English version "Things to prepare for video interview"

1.Video call interview မဖြေဆိုခင်ဘာတွေပြင်ဆင်ဖို့လိုမလဲ?

1.1. Devicesရွေးချယ်မှု

• ကွန်ပြူတာကိုအသုံးပြုပါ

ကွန်ပြူတာ ကိုအသုံးပြုခြင်းက ပိုပြီးprofessional ဆန်စေပါတယ်။ အကယ်၍အင်တာဗျူးသူကscreen Shareရန်တောင်းဆိုလာရင် ကွန်ပြူတာ ကိုအသုံးပြုခြင်းအားဖြင့် screen share Features များကိုကောင်းကောင်း အသုံးချနိုင်ပြီး အင်တာဗျူးကို အဆင်ပြေပြေ ဖြေနိုင်မှာဖြစ်ပါတယ်။

• စမတ်ဖုန်းတစ်ခုတည်း မသုံးပါနဲ့

အင်တာဗျူးတွင်မိုဘိုင်းဖုန်းကိုအသုံပြုခြင်းသည်ပရော်ဖက်ရှင်နယ်မဆန်သည့်အပြင်မိုဘိုင်းဖုန်းတွင်screen shareကို ကောင်းမွန်စွာအသုံးမပြုနိုင်တယ့်အတွက် သိပ်အဆင်မပြေနိုင်ဘူးလို့ထင်ပါတယ်။

• ကွန်ပြူတာနှင့်မိုဘိုင်းဖုန်းကို‌အတူတူအသုံးပြုပါ

အကယ်၍ကွန်ပျူတာကင်မရာမှာပြဿနာရှိ‌ခဲ့ရင်မိုဘိုင်းနှင့်ကွန်ပျူတာနှစ်ခုလုံးကိုအတူတကွသုံးပြုဖို့အကြံပြုချင်ပါတယ်။ကွန်ပျူတာတွင်ပြဿနာအချို့ရှိပါကသင့်မိုဘိုင်းဖုန်းကိုအရန်တစ်ခုအဖြစ်အသုံးပြုနိုင်မှာဖြစ်ပါတယ်။

1.2. Settingအားလုံးအဆင်ပြေအောင်စစ်ဆေးထားပါ

• ကင်မရာအနေအထား

ဗီဒီယိုအင်တာဗျူးဖြစ်တဲ့အတွက်အင်တာဗျူးသူရဲ့ရှေ့မှာ ယုံကြည်မှုအပြည့်ရှိဖို့အရမ်းကိုအရေးကြီးပါတယ်။ ယုံကြည်ချက်ရှိရှိ မျက်လုံးချင်းဆုံ

ပြီးဗီဒီယိုအင်တာဗျူးဖြေဆိုနိုင်ဖို့အတွက်ကင်မရာကိုမျက်လုံးနဲ့တစ်တန်းတည်းဖြစ်အောင်ညှိထားဖို့လိုအပ်ပါတယ်။

• Mircrophoneနဲ့ ဗွီဒီယိုကင်မရာSetting

ဗီဒီယိုအင်တာဗျူး တကယ်မလုပ်ခင်မှာ Application အများစုက microphone နှင့်ကင်မရာကို ကြိုတင်ပြီးစမ်းသပ်လို့ရပါတယ်။

Microphoneနှင့်cameraတွေကိုသေသေချာချာအလုပ်လုပ်ရဲ့လားဆိုတာကိုကြိုတင်စစ်ဆေးထားခြင်းအားဖြင့်တကယ်အင်တာဗျူးလုပ်ရမဲ့အချိန်တတ်နိုင်သလောက်ဖြစ်နိုင်ချေရှိတဲ့ပြသနာများကိုလျှော့ချနိုင်ပြီးချောချောမွေ့မွေ့အင်တာဗျူးဖြေဆိုနိုင်မှာဖြစ်ပါတယ်။

• Notificationများကိုပိတ်ထားပါ

အင်တာဗျူးလုပ်နေစဉ်အတွင်းမှာဆူညံတဲ့ Alarmများ ၊ Notification များကိုရှောင်ရှားနိုင်ဖို့အတွက်ဖုန်းကိုSilent / airplane mode လုပ်ထားဖို့နဲ့ Computer ကနေAppတွကိုSignOutသို့မဟုတ်Notificationကိုပိတ်ထားဖို့အကြံပေးပါရစေ။ဒီလိုမှမဟုတ်ရင် Alarmဆူညံသံများနဲ့ Notificationများက အင်တာဗျူးဖြေဆိုနေစဉ်အတွင်းစိတ်အနှောင့်အယှက်ဖြစ်စေနိုင်ပါတယ်။အဆိုးရွားဆုံးကတော့ Interviewer နဲ့အတူ Screen Sharing လုပ်နေစဉ်အတွင်း Applicationကနေသူငယ်ချင်းကMessage ပို့လာခဲ့ရင် အင်တာဗျူးသူက Professional မဆန်ဘူးလို့ ယူဆသွားနိုင်ပါတယ်။

• Wi-Fi Internet connection

အင်တာဗျူးဖြေဆိုမည့်နေရာက အားကောင်းတဲ့Wifi connectionရှိတဲ့နေရာကိုရွေးဖို့အကြံပေးပါရစေ။ အင်တာဗျူးလုပ်မဲ့အချိန်မှာတခြားသူတွေ Wi-Fi ကိုတတ်နိုင်သလောက်အသုံးမပြုဖို့ ညှိနိုင်းထားသင့်ပါတယ်။အထူးသဖြင့် Video ဖိုင်များကို Online တွင်ကြည့်ရှူခြင်း ၊Download ဆွဲခြင်း များကိုမပြုလုပ်ဖို့တအိမ်တည်းတွင်နေထိုင်သောတခြားသူများကိုနားလည်အောင်ပြောပြပြီးညှိနိုင်းထားသင့်ပါတယ်။ဒီလိုမှမဟုတ်ရင်အင်တာဗျူးလုပ်နေစဉ်အတွင်းမေးခွန်းများကိုသေသေချာချာမကြားရသောကြောင့် ပြန်လည်မဖြေဆိုနိုင်ခြင်း၊ Video ဖွင့်လို့အဆင်မပြေသဖြင့် သေသေချာချာ Performance မလုပ်နိုင်တဲ့အခြေအနေမျိုးဖြစ်သွားနိုင်ပါသည်။

1.3. Video conferencing Application များကိုအကျွမ်းတဝင်ရှိအောင်လေ့လာထားပါ

Remotely အလုပ်လုပ်ခြင်းကယခုကာလမှာ​ခေတ်စားလာတဲ့အ​​လျောက် Skype, Zoom, Google Meet စတဲ့ Application ​တွေကိုအချင်းချင်းဆက်သွယ်လုပ်ကိုင်ဖို့အတွက် လူသုံးများ​ခေတ်စားလာကြပါတယ်။ အများအားဖြင့် အထက်ပါ Application ​ ​တွေကို အင်တာဗျူး​တွေ workshop ​တွေနဲ့ talk show ​တွေအတွက်အသုံးများလာပြီးလူတိုင်းမရှိမဖြစ်အသုံးပြုရမည့် ဖြစ်လာပါပြီ။ ဒါကြောင့်ဒီလို Application များနှင့်အသားကျ​အောင်ကြိုးစား​လေ့ကျင့်သင့်ပါတယ်။ဒီApplication များကို သိပ်မသုံးဖူးပါက သူငယ်ချင်း သို့မဟုတ် မိမိ မိသားစုဝင်များနှင့် Practiceပြုလုပ်ဖို့အကြံပြုပါတယ်။

1.4. Backup Planထားပါ

• Devicesကိုနှစ်မျိုးနဲ့အထက်ပြင်ဆင်ထားပါ

အကယ်၍ အင်တာဗျူးဖြေဆိုနေစဉ်အတွင်း Device တစ်ခုမှာပြသာနာရှိခဲ့ရင်အစားထိုးအသုံးပြုနိုင်ဖို့အတွက်အနည်းဆုံးDeviceနှစ်မျိုးနဲ့အထက်ပြင်ဆင်ထားသင့်ပါတယ်။

• ဘက်ထရီကိုအပြည့်အားသွင်းထားပါ

အင်တာဗျူးဖြေဆိုနေစဉ်အတွင်း ပြသာနာတစ်စုံတစ်ရာမရှိ‌ေစရန် မိမိအသုံးပြုမည့်phone နှင့်computer ကိုအနည်းဆုံး ၈၀% အထိအားသွင်းပါ။

• Mobile hotspotကိုအသုံးပြုဖို့အဆင်သင့်ပြင်ထားပါ

အကယ်၍ အင်တာဗျူးဖြေဆိုနေစဉ်အတွင်း Wi-Fi connection ပြတ်တောက်သွား ခဲ့ရင်၊ မိုဘိုင်း

ဒေတာနှင့်အင်တာဗျူးဆက်လက်ဖြေဆိုနိုင်ရန်အဆင်သင့်ပြင်ထားပါ။ မိမိကွန်ပြူတာကို Wi-Fi နှင့်ချိတ်ဆက်အသုံးပြုနေပါကလက်ကိုင်ဖုန်း မိုဘိုင်းဒေတာနှင့်ချိတ်ဆက်ပြီးအချိန်မရွေးအသုံးပြုနိုင်အောင် အဆင်သင့်ပြင်ထားဖို့လိုအပ်ပါတယ်။

• အရေးပေါ်ဆက်သွယ်နိုင်မည့်အချက်အလက်များ

အကယ်၍ အင်တာဗျူးဖြေဆိုနေစဉ်အတွင်း လျှပ်စစ်ဓာတ်အားပြတ်တောက်မှုနှင့်မမျှော်လင့်သောအရာများဖြစ်‌ ပေါ်လာပါကအင်တာဗျူးသူအားချက်ချင်းဆက်သွယ်နိုင်အောင်ကြိုတင်ပြင်ဆင်ထားပါ။ အကျိုးအကြောင်းပြောပြပြီး Interview Schedule ကိုပြန်လည်ညှိနှိုင်းပေးဖို့တောင်းဆိုပါ။ အင်တာဗျူးသူရဲ့ (အီးမေးလ်၊ ဖုန်းနံပါတ် ) သိအောင်ကြိုတင်ပြင်ဆင်ထားပါကချက်ချင်းဆက်သွယ်နိုင်ရန်အလွန်အထောက်အကူပြုမှာဖြစ်ပါတယ်။

1.5. အင်တာဗျူးဖြေဆိုရာတွင်ရှိသင့်သောကိုယ်ဟန်မူရာနဲ့စိတ်သဘောထား

• အပြုသဘောဆောင်ပါ

အပြုသဘောဆောင်အပြုအမူနှင့်မျက်နှာအမူအရာနဲ့မိမိကယုံကြည်မှူရှိသူတဦးဖြစ်ကြောင်းကိုဖော်ပြနေပါတယ်။အင်တာဗျူးသူကမေးသောမေးခွန်းများကိုအကောင်းမြင်ပြီးအပြုသဘောဆောင်တဲ့စိတ်နဲ့ဖြေဆိုဖို့အကြံပြုပါရစေ။ ထိုသို့ဖြေဆိုခြင်းက ကောင်းမွန်သောအင်တာဗျူးရလဒ်များကိုရရှိစေနိုင်ပါတယ်။

• ပြုံးပါ

အင်တာဗျူးဖြေဆိုတဲ့အခါအင်တာဗျူးသူ ရဲ့ မျက်လုံးကိုကြည့်ပြီးဖြေတာမျိုး ကိုယ်နေဟန်မတ်မတ်ထားပြီး အပြုံးနဲ့ဖြေဆိုတာမျိုးတွေလုပ်သင့်ပါတယ်။ ဒီလိုပြုလုပ်ခြင်းအားဖြင့်အင်တာဗျူးသူအားမိမိကရင်းနှီးလွယ်တဲ့သူတယောက်ဖြစ်ကြောင်းကိုဖော်ပြနိုင်ပါတယ်။

• Practiceလုပ်ပါ

အင်တာဗျူးစဉ်အတွင်းကိုယ့်ရဲ့မျက်နှာဟန်ပန်အမူအရာဘယ်လိုဖြစ်နိုင်သလဲဆိုတာကိုသိရအောင်မှန်ရှေ့တွင် သို့မဟုတ်ဗီဒီယိုနဲ့Recordလုပ်ပြီးPractice လုပ်ကြည့်ပါ။ တကယ်အင်တာဗျူးဖြေဆိုတဲ့အခါ ဘယ်လိုပုံစံမျိုးနေသင့်သလဲဆိုတာကိုကြိုတင်ပြင်ဆင်ထားနိုင်မှာဖြစ်ပါတယ်။။

1.6. အခြားအရေးကြီးသောအကြံပြုချက်များ

• အလင်းရောင်ကောင်းတဲ့နေရာကိုရွေးချယ်ပါ

အလင်းရောင်ကမမှောင်လွန်းမလင်းလွန်းနေရာကပိုကောင်းပါတယ်။

ကင်မရာရှေ့မှာနေရမည်ဖြစ်သည့်အတွက်အင်တာဗျူးအတွက်အလင်းရောင်ကောင်းတဲ့နေရာကိုရွေးချယ်ဖို့တိုက်တွန်းလိုပါတယ်။

• ကောင်းမွန်တဲ့နောက်ခံBackgroundရှိသောနေရာကိုရွေးချယ်ပါ

Video ဖြင့် Interview ကိုကောင်းမွန်စွာပြုလုပ်နိုင်ရန် ကောင်းမွန်တဲ့နောက်ခံBackgroundရှိသောနေရာကို ရှာဖွေသင့်ပါတယ်။ အိပ်ရာခြင်ထောင်ရှိတဲ့နေရာများ၊ ရှုပ်ပွနေသောပစ္စည်းများရှိသည့်နေရာများ၊ တခြားလူများအချိန်မရွေးအနောက်ကဖြတ်လျှောက်လို့ရတဲ့နေရာများကိုအထူးရှောင်ကြင်သင့်ပါတယ်။သင့်တော်သောနေရာမရှိပါက Zoom, Skype စသည့် applications များတွင်ပါသော Virtual နောက်ခံရှုခင်းပုံများကို လွယ်လင့်တကူအသုံးပြုနိုင်ပါတယ်။

• သပ်သပ်ရပ်ရပ် ဝတ်စားဆင်ယင်ပါ

အဝတ်အစားကို သပ်သပ်ရပ်ရပ် ဝတ်စားဆင်ယင်ပါ။ neat & tidy ဖြစ်ဖို့ကတော့အရမ်းကိုအရေးပါတဲ့အခြေခံကျတဲ့အချက်ထဲမှာပါဝင်ပါတယ်။ အိမ်နေရင်းအကျီ၊ ရှုပ်ပွနေသောဆံပင်၊ ဆီရွှဲနေသောဆံပင် (ခေါင်းမရှော်တာကြာလို့ဖြစ်နေတဲ့ဆံပင်ပုံစံကိုဆိုလိုပါတယ်။)၊ အိပ်ရာထကာစမျက်နှာနဲ့အင်တာဗျူးမဖြေပါနဲ့။ အရမ်းရိုင်းတယ်လို့ထင်ရပါတယ်။ အထူးသဖြစ်မိန်းကလေးများကမျက်နှာမှာ ပေါင်ဒါသို့မဟုတ် မိတ်ကပ်ပါးပါးလေး လိမ်းသင့်ပါတယ်။ သနပ်ခါးကိုတော့မလိမ်းဖို့အကြံပေးပါရစေ။

• နားကြပ်ကိုသုံးပါ

ကောင်းမွန်သောနားကြပ်များကိုအသုံးပြုခြင်းအားဖြင့် အင်တာဗျူးတဲ့သူကဘာပြောတာလဲဘာမေးတာလဲဆိုတာကို ရှင်းရှင်းလင်းလင်း ကြားနိုင်သိနိုင်မှာဖြစ်ပြီး ကောင်းကောင်းမွန်မွန်ပြန်လည်ဖြေဆိုနိုင်မှာဖြစ်ပါတယ်။

1.7. ကုမ္ပဏီကဘာလိုချင်သလဲ

သင်အင်တာဗျူးမဖြေဆိုမီ သင်လျှောက်ထားသောကုမ္ပဏီအကြောင်းကိုကောင်းစွာလေ့လာပြီးသုတေသနလုပ်ရန်လိုအပ်ပါတယ်။

ကိုယ်လျှောက်မယ့် company နဲ့ပက်သက်တဲ့ data တွေ အခြားသိသင့်တဲ့အရာတွေအကုန်လုံးကို interview ဖြေတဲ့အချိန်အထိ သေချာလေ့လာပြီး ပြင်ဆင်သွားရပါမယ်။

သင်ဟာဒီအလုပ်ကိုဘယ်လောက်လိုချင်ကြောင်း ဘယ်လောက်စိတ်ဝင်စားကြောင်း ကိုသိသာအောင် ဖော်ပြတတ်ရပါမယ်။

2.Video call interview ဖြေနေစဉ်အတွင်းမိမိအရည်အချင်းကိုဂရုပြုမိစေရန် ဘယ်လိုလုပ်ရမလဲ ?

2.1.မှန်ကန်စွာဖြေဆိုပါ

အလုပ်တစ်ခုလျှောက်ထားနေစဉ်ဖြစ်စေ၊ interview တစ်ခုဖြေဆိုနေစဉ်ဖြစ်စေ၊ မိမိအကြောင်းကို ရိုးရိုးသားသားအမှန်တိုင်းဖြေဆိုရပါ။ ဤနည်းအားဖြင့်မိမိကိုယ်မိမိ အမှန်အတိုင်းရိုးသားစွာပြုမူနေထိုင်တဲ့သဘောသက်ရောက်ပြီး ကိုယ်ကိုတိုင်လည်း လျှောက်ထားသော အလုပ်နှင့် ကိုက်ညီမှုရှိ၊မရှိ ကို သေချာသိသွားနိုင်မှာဖြစ်ပါတယ်။ အင်တာဗျူးသူကိုသင်၏အားသာချက်များကိုပြောပြပါ။ ကိုယ့်ရဲ့အားနည်းချက်များအားမေးမြန်းသောအခါတွင်လည်း အမှန်အတိုင်းဖြေဆိုပါ။ လိမ်မှာပါးနှပ်စွာimpression ကောင်းကောင်းကျန်အောင်ဖြေနိုင်ဖို့လဲအရမ်းရေးကြီးပါတယ်။

2.2.ကိုယ်လုပ်နိုင်သည်ထက်ပိုမိုမပြောသင့်ပါ

အကယ်၍ အလုပ်ခန့်အပ်ခံရရင် အင်တာဗျူးဖြေ တုန်းကပြောခဲ့သော skill sets များကို လုပ်ငန်းခွင်တွင်လက်တွေ့ အသုံးချပြရမှာဖြစ်ပါတယ်။ လိုတာထက်ပိုပြောထားခဲ့ရင် တကယ်လုပ်ငန်းခွင်ဝင်ရောက်တဲ့အခါ မိမိကိုလိမ်ညာသူအဖြစ် Impression ဝင်သွားနိုင်ပါတယ်။ ဒီလို Impressionဝင်သွားခဲ့ရင်နောက်ပိုင်းလုပ်ငန်းခွင်မှာအဆင်ပြေမှာမဟုတ်ပါဘူး။

2.3.သူမတူထူးခြားနေပါစေ

ကိုယ့်စတိုင်လေးနဲ့ကိုလူအများက မှတ်မိအောင်တမူထူးခြားအောင်နေဖို့လဲအကြံပြုလိုပါတယ်။

3.Video call interview ပြီးနောက်သင်ဘာလုပ်သင့်သလဲ

3.1အဆက်အသွယ်လုပ်ပါ

အင်တာဗျူးသူထံတွင်ကိုယ့် ရဲ့ဆက်သွယ်ရန်အချက်အလက်များကိုပေးထားခဲ့ဖို့မမေ့ပါနှင့်။ အင်တာဗျူးရလဒ်ကိုသိချင်ပေမဲ့လဲ ကုမ္ပဏီကိုမကြာခဏဆက်သွယ်ခြင်းမပြုပါနှင့်။ အချို့သောကုမ္ပဏီများသည်အရမ်းအလုပ်များကြတယ်။ ခဏခဏရလဒ်ကိုဆက်သွယ်မေးမြန်းနေခြင်းက ကုမ္ပဏီကိုစိတ်အနောက်အရှက်ဖြစ်စေနိုင်ပါတယ်။အကောင်းဆုံးကတော့အင်တာဗျူးဖြေဆိုနေစဉ်အတွင်းမှာ ဘယ်တော့လောက်ရလဒ်ကိုသိရမလဲလို့မေးခဲ့ပြီး အဲဒီအချိန်ထက်ကျော်လွန်ခဲ့ရင်ကုမ္ပဏီကိုဆက်သွယ်မေးမြန်းတာဖြစ်ပါတယ်။

3.2.အခွင့်အရေးအတွက်ကျေးဇူးတင်ပါ

ငြင်းပယ်ခံရတိုင်းကိုကညံ့တယ်လို့မဆိုလိုပါဘူး။အင်တာဗျူးအတွေ့အကြုံရတယ်လို့ယူဆပြီး နောက်အင်တာဗျူးမှာဒီထက်ပိုကောင်းအောင်ဖြေနိုင်ဖို့ပြင်ဆင်သင့်ပါတယ်။ကိုယ်ရဲ့ Skill Setနဲ့ကိုက်ညီပြီးဒီထက်ပိုကောင်းတဲ့အခွင့်အလမ်းကကြိုးစားနေတဲ့လူငယ်တယောက်အတွက်ကတော့မကြာခင်ရောက်လာမှာပါ။

3.3.ကိုယ့်ပုံစံကိုယ့်စတိုင်လေးနဲ့ကိုနေပါ

ကိုယ့်သွားရမဲ့ Career ခရီးလမ်းကြီးကအရှည်ကြီးပါ။ ကိုယ်မဟုတ်တဲ့ပုံစံနဲ့ ကိုယ်နဲ့မကိုက်ညီတဲ့အလုပ်ကိုအချိန်အကြာကြီးဆွဲပြီးမလုပ်ပါနဲ့။ ကိုဘာလုပ်ချင်လဲ ဘယ်လိုအပိုင်းမှာကိုယ့်ကတော်လဲဆိုတာကိုအမြဲဆန်းစစ်ပါ။ ကိုယ်နဲ့ကိုက်ညီတဲ့အလုပ်ကိုအမြဲရှာဖွေနေဖို့အကြံပေးပါရစေ။

Openfor.co/fellowship ကို စိတ်ဝင်စားပြီး join ချင်ရင် ကျွန်မတို့ အနေဖြင့် Capsule program 2nd batch အတွက် ခေါ်ယူနေပါပြီ။ အသေးစိတ်ကို အောက်ပါ link မှာ သိနိုင်ပါတယ်။

https://bit.ly/3o6ZSBt